45 տարի «Առողջապահության» հետ

Սիրելի Կիմա, տիկին Խաչատրյան, «Առողջապահության» խմբագրակազմի բոլոր հին ու նոր աշխատողները պատիվ ունեն նշելու, շնորհավորելու ու պարծենալու Ձեզանով` 45 տարի այս մայր հանդեսի տարբեր հեղինակների հազարավոր հոդվածները զննող, Ձեր ուշիմ, համեստ ու զուսպ պահվածքով, հայերեն լեզվի ուղղագրության, ուղղախոսությանև ասելիքի բուն էությունը ստուգաբանող հմուտ որմնադրով:

Մեր լավ բարեկամ, ազնիվ գործընկեր, զարգացող լեզվի անվերջանալի բանավեճերի մշտական մասնակից, տասնամյակների ընթացքում դու սերտաճեցիր«Առողջապահության» խոր արմատների հետ: Ահա թե ինչու հանգիստ ենք լինում, երբ դիպուկ աչքդ տողերի վրա անշտապ, հանդարտ հայացքով սահում ու հետ է դառնում, որ նորից անցնի նրանց վրայով, որ բաց չթողնվի մտքի ու լեզվի ուղղագրության թերություն կրող բառ ու շարադրանք:

Բացառիկ հոբելյանիդ այս օրը շնորհավորում, շնորհակալության ու հարգանքի ջերմ զգացումով մաղթում ենք քեզ` անձիդ հարազատ, հումորով օծվածիդ` քաջառողջություն, հոգու չմարող կայտառություն, երկար տարիների բեղմնավոր գործունեություն ու բժշկագիտական հայերեն լեզվի առաջատարի դերը ստանձնած «Առողջապահություն» միակ հանդեսի հարատեւում` ի բարօրություն նրա հեղինակների ու ընթերցողների: 

Մենք մի խմորից ենք հունցված...

Հարցեր, պատասխաններ, մեկնաբանություններ